Жаңа көліктерді сатып алуға жеңілдік сертификаттары бойынша автокөліктерді қайта өңдеу бағдарламасын іске асырудың алғашқы 10 күнінде РОП операторы 32 жеңілдік сертификатын берді.
Бағдарлама шарттарына сәйкес, көлік иесі тапсырылған көлік қоқыстарының орнына жаңа экологиялық таза көлік сатып алғаны үшін жеңілдік сертификатын алады. Алынған сертификатқа жеңілдік Қазақстан аумағында әрекет етеді және отандық өндірістегі автокөліктерге қолданылады.
Бағдарламаға Қостанайда шығарылатын JAC, Peugeot, SsangYong, Iveco, Ravon Huyndai және Chevrolet Niva көліктері де кіреді.
Жаңа көліктерді сатып алуға жеңілдік сертификаттарын беру – елдің автопаркін жаңартуға, экологиялық таза көліктер өндірісін ынталандыруға және қайта өңдеу өнеркәсібінің инфрақұрылымын құруға арналған қызмет мерзімі біткен көлік құралдарын қайта өңдеу бағдарламасының екінші кезеңі.